Online kaw nna photoshop hpe lang yu ga

Ndai kalang gaw online kaw nna hpa software mung nra ai sha sumla ni hpe photoshop cs4 zawn mai gram lajang (Edit) ai site hpe shachyen jaw na re. Dai site gaw photoshop cs4 ram gaw nhkum tim ram ram gaw mai bungli galaw ai hpe mu mada ai. Dai site gaw

http://www.pixlr.com/

Sumla hpe edit galaw mayu ai ni gaw >> Image Editor

Sumla colour ni hpe edit & effect bang mayu ai ni gaw >> Photo Express

26 May shiga

- KIA Dap Awn Daju gaw, KIA hkrang galai na myit n hkrum .....hti na

- KIA hte seng nna shawa sanglang dan ai lamang, Mai Ja Yang e galaw .....hti na

UN help suu kyi

Mobile Game,Themes,Ringtones,Software,Wallpaper, ni hpe download galaw la ga

Ndai kalang gaw manang ni hpang de mobile game,themes,software,wallpaper ni hpe gara hku download galaw na hpe sang lang dan na hku re. Ok ! hpan sa ga !

(1)=> Shawng nna http://mobiles24.com/ site kaw shawng shang nhtawm, ndai kaw http://mobiles24.com/signup/ signup galaw la ga & tinang ra ai bawhpan hpe la ta la ga !

Gashadawn; games,themes,ringtones,.....etc

(2)=> La ta ngu jang, ra ai game,themes,ringtones..... hpe bai lata dat u

(3)=> Ngut ai hte gaw, lawu na sumla hpe yu nna galaw dat yang gaw zeng sha re.

John Yettaw a lam kachyi mi

John Yettaw sumla

Aung san suu kyi a nta kaw lagu shang ai American mungdan masha re nga ai John Yettaw a lam

english hku hti na....
Myen hku hti na.....

AJA AWA NING HKAP GA AI

Bum Tsaw Brang.blogspot kaw nna mung Ga jarit hpyen dap gale sa wa na lam hte seng nna aja awa ning hkap ai hku re.
Ga jarit sha sin na re yang gaw, anhte jinghpaw myu shani 50 ning rawt malan taw nra ai. Rawt malan ai pan dung gaw, hpa rai ta ? Moi du daw sai hkaw let shakut lai wa sai lam ni mung gaman li la sha nre mat na kun, shakut lai wa sai share shagan ni hpe mung gara hku myi man madun na rai ? JINGHPAW WUNPAWNG labau hpe gaw myi man n-shaka ga ! Labau hka kaba kap na hpe gaw nhkrit nga mani ! JINGHPAW WUNPAWNG ngu ai amyu mat mat hkra gaw n-galaw na ngu ai gaw shadu ai ! Atsawm sha bai myit yu ga !

ngu nna Bum Tsaw Brang.blogspot kaw nna aja awa ning hkap ai lam hpe laika kadun mi hte tang madun dat nngai.

KIA dap galai na lam n'tsa, ra ahkyak Ginjaw Komiti hpawng galaw

KIO/A a Laiza daju, Myen-Miwa garit, Jinghpaw Mungdaw

Wunpawng Mungdan Shanglawt Hpung (KIO) gaw, tinang laknak lang hpung "KIA" hpe hkrang galai hpaw na ginlam hte seng ai", ra ahkyak Ginjaw Komiti Hpawng hpe, mani kawn dai ni May 12 ya du hkra, Myen-Miwa ga jarit Laiza daju e galaw lu sai re... matut

Naw Naw na album nnan

Ndai kalang gaw manang ni hpang de naw naw na album nnan hpe mara dat ya

ai, Pru ai gaw na sai ....rai tim, n-madat ai ni na matut ndai kaw

Shiga

- Shatapru Hkalup ramma ningbaw langai, mara kata rim hkrum Matut ....

- Myitkyina-Laiza lapran 'nbung ja' bung na nta ni hten ma Matut ....

'Nu' ngwi pyaw hkam kaja nga u ga !

Happy Mother's day

10 May,2009

M =motivater

O =onlyone

T =truelove

H =heartiest

E = execptional

R =responsible

I LOVE YOU MOTHER & I MISS YOU

SWINE FLU ngu ai "wa li" a lam

Ya mungkan kaw byin pru nga ai "wa li" ana nbyin hkra gara hku makawp ra ai hte byin wa maw ai shaloi gara hku kumla madun ai hpe Ndai kaw hti yu let hpaji la ga.

N-pawt: myochitmyanmar

Nu a mungdan

Myen hpyendu ni buga Rawang shayi ni hpe la na kabai tawn

Jinghpaw Mungdaw a dingdung de Putau Ginwang, Naw Mung e magam lit ang ai, Myen hpyen asuya a hpyendu ni gaw, buga Rawang shayi ni hpe la nna, kabai kau ai lam ni galaw nga ai lam, buga masha ni kawn chye lu ai.

2008, September 3 ya shani byin ai Kasang Hka mawru a majaw Naw Mung makau na hkauna eka 100 jan hten mat sai re.

Naw Mung de htawt du wa ai Myen hpyendu ni yawng gaw, buga Rawang shayi ni hte dinghku de nhtawm, shara bai htawt na aming du shagu, tinang a madu jan hte kasha ni hpe kau da ai mabyin ni gaw, ya ten, "htunghking zawn" byin wa sai lam, Naw Mung mare masha ni tsun dan wa ai.

Ndai zawn Myen hpyendu ni amu gun shara htawt ra shagu, tinang a madu jan Rawang shayi ni hkan nang na lam tsun tim, hkrun lam yak ai manghkang hte lam jarit n lu ai manghkang a majaw, n lu hkan nang ai re lam, kahtap tsun dan wa ai.

Ya ten, Naw Mung mare kata, Myen mying hte Rawang ga ga ai Ma kaji jahpan law wa nga ai lam, ya hte sha, Naw Mung kawn yu wa ai Myitkyina buga masha langai KNG de tsun dan wa ai.

Naw Mung mare gaw Putao kawn deng 60 tsan ai rai nna, bat mi hta kalang sha Putau-Naw Mung lapran mawdaw gin hkrang nga ai lam, lahta na Myitkyina buga masha wa tsun dan wa ai re.

Bai nna, Myen gaw Naw Mung hpe Myu hku masat tawn ai raitim, Myu zawn mung n rai, rawt jat ai lam mung nau n nga, mare masha ni malawng gaw, shani shagu hkauna galaw let kanbau bungli galaw nga ma ai lam, sagawn chye lu ai.

N-pawt: KNG

Jinghpaw Mungdaw kata, ‘Wa Li’ hpe sadi maja lam n nga

Ya ten, Sina mungdan ni hta 'Swine Flu Virus—Wa Li' a majaw, machyi makaw hte si hkrung si htan lam ni kahtet kamawt byin hkrum hkra nga ai ten, Jinghpaw Mungdaw e gaw, ndai li hpe grai wa sadi maja ai lam n nga ai re.

Bai nna, Wa shan manu raitim, joi mi Kyat 6,000 hte Kyat 5,000 lapran sha naw manu lu nga dingyang re lam, buga masha ni tsun dan wa ai.

“Asuya ni gaw ‘Wa Li’ hte seng na hpa n shana shi ma ai. Kadai pyi n chye ai. Yawng mari sha tik tik sha re. Nkau mi gaw, radio madat nna ‘Wa Li’ byin ai nga, chye ma ai. Ndai kaw byin ai lam n na shi ai” nga nna, Myitkyina buga masha langai tsun wa ai.

Dai re majaw, Wa rem sha ai ni hte Wa shan dut ai ni yawng gaw, alak mi sadi maja ai lam n nga shi ai sha n-ga, mari sha masha ni mung, hkrit tsang ai kumla ni n madun shi dingyang naw re lam, buga masha ni tsun wa ai re.

Bai, Jinghpaw Mungdaw na Wa rem sha ai ni rai yang, ‘Wa’ manu atsawm n lu ai majaw, Kyat sen 3 lu gying ai hpe Kyat sen 2 hte sha dut kau ra nna, sum machyi nga ma ai lam, buga msha ni hpe lakap let chye lu ai.

Myitkyina Wa shan gat lawk hta e, lawu Myen mung na ‘Wa hpraw’ hpe sha, hpaga la ni madung mari la nga ai majaw, Jinghpaw mung na ‘Wa chyang’ ni manu n lu wa ai mung re lam, matut chye lu ai.

Ya ten, ‘Wa’ kaw na byin wa ai 'Swine Flu' ngu ai, kap bra loi ai li gaw, Mexico mungdan kawn byin hpang wa nna, mungdan ga-daga shara shagu chyam bra nga ai majaw, asuya hte asuya n re ai NGO ni kawn, hpaji jaw, makawp maga ai lam ni n hkring n sa galaw nga ai re.

Bai nna mung, dai ning laman Swine Flu, Wa Li a majaw si mat ai masha gaw, Amerikan mungdan kaw sha pyi marai 109 rai sai lam, shanhte a shiga lawk ni hta mu lu nga ai.

N-pawt: KNG

Myit shang sha hpa shiga langai

Myen mung shi laika kaw lawm ai shiga langai hpe sagawn nga ding yang re....

N-pawt: http://myochitmyanmar.org/

Mau sai ! Grai mau mat sai wa re

Myen mung na hpaji madang !_!

N-pawt: http://myochitmyanmar.org/

Mung masa lam lawm ai Laika hpe Weekly Eleven Journal kaw bang na ahkang jaw sai

Myen mung kaw mying gumhkawng let htuk shapraw nga ai WEEKLY ELEVEN Journal kaw nna, Bung ai lam gaw jawm galaw, N-bung ai hpe gaw Jawm tsun bawng ban let jeyang nga ai gabaw hte mung masa lam lawm ai laika hpe bang na ahkang jaw ai lam chye lu ai.

Dai laika daw hpe lawu kaw madun da ai hku re .... Yu ngun jaw la ga !

N-pawt: http://khitpyaing.org/

Lam ntsa na Yungwi ninghkring kaba ni .....in Myanmar :P

*Madung Yungwi ninghkring ni mu yang, Yawn nna masan dum na kun or pawt na kun i ? manang ni* :P

Pat hkum tawn ai Shatapru Chyahkrai Ma Ginra-Myitkyina

Gaw gap ahkang pat hkum tawn ai Chyahkrai Ma Lakawn Ginra
Shatapru Buga Hkalup Hpung, Myitkyina
Jinghpaw Mungdaw, Munghpawm Myen Mungdan
Pat hkum ai wa: Myen hpyen asuya a Myitkyina Shatsaw Jahtap Rung (Municipal Office)
Pat hkum hpang ai nhtoi: February, 2009

Sumla (1): Myitkyina Municipal Rung a pat hkum poster pa.

Sumla (2): Dum nta yawng mu lu ai, Shatapru buga Hkalup Hpung aChyahkrai Ma Lakawn Ginra

N-pawt: http://www.kachinnews.com/

Fring ngu ai gara hku akyu rawng ai rai ta ?

Lana mi (yup gaw yup mayu rai nna) Gtalk kaw manang langai hte chat nga ai shaloi, Dai manang wa gaw "nang ma ya mobile kaw na chat taw ai i ? " nga san dat ai. Dai shaloi ngai mung grai mau mat nna, bai matut san mat wa ai shaloi gaw mobile kaw Gtalk, Yahoo messager,.... ni hpe mai chat ai lam chye lu ai.

Dai hpe gara hku galaw yang mai lang na ngu ai hpe, ndai http://www.fring.com/ kaw shang yu nna, hka ja la ga.

Ngai mung dai hpe, hka ja la na matu mobile kaja langai mi mari ra na zawn she tai taw nga :P

Shakut nga ding yang,
Bum Tsaw Brang

Tsaw Myit hpang ai shara (Jinghpaw Wunpawng sumla hkrung)

Daw (1)

Daw (2)

Daw (3)

Daw (4)

Wunpawng tsin yam ni hpe, US mungdan de' grau sha-ang ya nga

Malaysia kaw tsin yam lekmat lang da sai, Jinghpaw Wunpawng myu sha ni hpe, madu sa na, nambat masum mungdan de' UNHCR kawn sha-ang ya ai hta, USA mungdan de' grau law sha-ang ya wa ai lam chye lu ai. N-dai hta, maning hte' dai ning na laman, mungdan hkrat wa ai ni gaw, USA mungdan hkrat ai ni law malawng rai nga ai lam, KRC a jahpan hpe la kap n-na chye lu ai.

Malaysia kaw tsin yam shawk la n-na, nambat masum mungdan ni de' htawt sit nga mat sai, Jinghpaw Wunpawng myu sha ni gaw, 200-250 daram du wa sai lam chye lu ai. Rai tim, laga hpu nau ni hte shingdaw yu yang, grai naw n-law ai hpe mu lu ai. Ya yang, malaysia kaw tsin yam lekmat shawk la na matu, la ding da nga ai myu sha ni mung, lani hte' lani grau law wa ai hpe mu lu ai. 2009 ning KRC a jahpan hta, tsin yam lekmat lu da sai ni hte' n-lu da shi ai ni yawng gum hpawn dat yang, 3000 daram du nga sai hpe mu lu ai.

Myen asuya a, n-tara uphkang zingzi zingzat roi rip sha ai a majaw, mungdan kata tam lu tam sha yak hkak wa ai majaw, Malaysia mungdan de' lani hte' lani du shang wa ai myu sha ni kaw na law malawng gaw, malaysia kaw bungli galaw let UNHCR tsin yam lekmat shawk la n-htawm, nambat masum ngu ai mungdan kaba ni de' htawt sit nga na matu yaw shada ai ni law ai hpe mu lu ai. Hkrit tsang ra ai malaysia kaw, myu sha ni a shani shagu na sak hkrung hkawm sa lam gaw, krung sinwa makau na lam kasha hta hkawm taw ai hte' bung la nga ai.

Ya yang e', mungkan sut masa hkrat sum ai dam hpe, malaysia du Jinghpaw Wunpawng myu sha ni mung hkrum sha nga sai hku re. Bungli shamat kau ai ni lani hte' lani grau law wa n-htawm, bungli n-nan bai tam la na mung grau yak hkak wa ai hpe mu lu ai. Rai tim, K.K hpe kam sham ai, anhte Jinghpaw Wunpawng myu sha ni hpe, Karai Wa gaw n-malap da na re ngu ai hpe kam let, Wunpawng gam maga tsawm htap wa hkra, anhte ni yawng, n-gun atsam dat let shakut shaja ra nga ga ai.

N-pawt: http://seakachin.blogspot.com/ (KRC malaysia)

Gmail voice and video call hpe gara hku install galaw na

Kalang lang anhte ni, gmail kaw nna (Tinang a tsaw ra n-ja) :P hte chat ai shaloi, sumla shagun jaw ai hte sha yu nlaw nna, myiman lahkawng hkrum let ga shaga ai hpe ra sharawng ma ai. Ya dai hpe Gmail kaw myiman lahkawng hkrum nna mai shaga hkra galaw ya sai hku re.

OK ! Rai sa..... gara hku Intall galaw yang (Gmail video call) hpe mai lang ai kun ?
*Lawu na madun da ai hte maren sha re* Let's see !

Step 1: Myitsu wa Internet lang ai shaloi hpaw ra ai (Mozilla firefox) hpe hpaw nhtawm,
myitsu wa a gmail accout kaw shang dat u.
(Matsing: Gmail video gaw Mozilla firefox hte hpaw yang she mai ai hku re. La ma na Mozilla firefox nnga yang ndai kaw download galaw la ga http://www.mozilla.com/en-US/firefox/ie.html )


Step 2: Ndai link http://mail.google.com/videochat hpe hpaw nhtawm, Install Gmail voice and video call dip nna Run dat yang zeng sha re mat na re.....
(Matsing: La ma na ndai software hpe ra ai nga yang gaw Save ngut yang she Run galaw ra na re)

*Gara hku Lang ra ai hpe gaw la wu na Video kaw jawm yu hka ja la ga*


Shakut nga ding yang,
Bum Tsaw Brang

IC ni Japan Mung de bai du wa sai

Myen mungdan kaw, mying gumhkawng nga ai (Iron cross burmese rock) band gaw Japan mungdan Tokyo de April 25(Satday) shani du nna, April 26(Sunday) shana hta shangwi shapyaw na hpe chye lu ai.

Dai Live show hta IC band a, madung mahkawn ninghkring ni re nga ai Lay Phyu, Ah Nge, Myo Gyi, Wine Wine, Kyo Kya hte May Sabay Nyo ni sa du shang lawm na hpe chye lu ai.

N-pawt: http://myochitmyanmar.org/

English-Myen Ga Gale Software Galaw Shapraw Dat Sai

English laika kaw nna, Myen laika de kalang ta ga gale ya ai software langai hpe internet kaw na manu jahpu n jaw ra ai sha http://www.myanmarnlp.org.mm/ website hta March 27 ya shani kaw nna lenzing ( Download ) galaw la mai sai lam myanmarnlp website kawn chye lu ai. Ndai File size 82.9MB nga ai ga gale software hpe, Windows XP SP2 hte Windows Vista ni hta aloi sha mai lang tim, kaga Windows Version hta gaw garum software hte rau lang ra ai lam hte, ya na ga gale software hpe Myen computer hpaji ninghkrin ni, ga hpungtang hpaji ninghkrin ni hte, Myen Asuya hkring mang dap masum pawng nna shata masum daram aten la galaw shapraw dat ai re lam, chye lu ai.

Ya na software hta, Myen laika dap kaw nna dip shapraw ai English-Myen ga htai chyum hpe madung dat nna, jai lang da ai hte grau hkum tsup ai madang du hkra, gram lajang shapraw sa wa na lam hpe mung, chye lu ai.

Mungkan Amyu sha ni law law a ga ni hte, madang tsaw ai ga gale software ni hpe, jai lang nga ai aten ladaw na sai rai tim, English-Myen ga gale software gaw, ya she nnan hpang wa ai madang re.

Rai tim, Jinghpaw laika lu la ai shanning lasa ning jan sai Wunpawng amyu shani a lapran hta gaw, lai wa sai 1977 ning hta dip shapraw da ai Sara Manam Hpang a Inglik Jinghpaw Myen ga htai chyum hpe sha, ya du hkra manu shadan jai lang nga ai madang naw re ai hpe mu lu ai.

N-pawt: http://www.kachintodayusa.org/